බප/ගම්/සියනෑ ආදර්ශ ප්‍රාථමික විද්‍යාලය

​ පාසලේපසුබිම

​

ආරම්භය:1870
​අදට වසර : 156 කි.

​වේල්ගම ග්‍රාමයේ ගැහැනු පිරිමි පාසල් දෙකක් තිබී ඇත. අද පවතින ස්ථානයට නුදුරින් ස්ථාන දෙකක ඒවා පිහිටා තිබේ.
​1939 දී මෙම භූමියේ පාසල ආරම්භ කර ඇත්තේ වේල්ගම පිරිමි විදුහල නමිනි.
​1958 දී මෙම පාසල එවකට අගමැති වූ එස්. ඩබ්.ආර්. ඩී බණ්ඩාරනායක මැතිතුමාගේ කාලයේ දී ගැහැනු පිරිමි පාසල් දෙක ම එකතුකර මිශ්‍ර පාසලක් බවට පත්කර ඇත.
​2012 වසර තෙක් 1-8 තෙක් පන්ති පවත්වා ඇත.
​ගුරු හිඟය හා ප්‍රවාහන දියුණුව නිසා ක්‍රමයෙන් අභාවයට ගොස් ඇත.
​2013 වසරේ ළමා මිතුරු පාසල් සංකල්පය යටතේ වේල්ගම කනිෂ්ඨ විද්‍යාලය යන නම වෙනුවට බප/ගම්/සියනෑ ආදර්ශ ප්‍රාථමික විද්‍යාලය නමින් වෙනස් විය. ඊට සමගාමීව 1-5 පන්ති පමණක් ඉතිරි වන අතර හයෙන් ඉහළ පන්ති ඉවත් කෙරේ.
​අවසානයේ ගුරුවරු තිදෙනෙක්, ළමුන් 14 දෙනෙක් පමණක් ඉතිරි විය. බහු ශ්‍රේණි ක්‍රමයට ඉගැන්වීමත් ස්ථිර විදුහල්පතිවරයෙකු නොමැති වීමත් නිසා පාසල පිළිබඳ විශ්වාසය පහතට ම වැටී ඇත.
​2014 වනවිට භික්ෂූන් වහන්සේ නමක් වැඩ බලන විදුහල්පති වීමත් සමග යම් පිබිදීමක් ඇති වී ඇත.
​වසර ගණනාවකට පසු 2020 වසරේ ශ්‍රේණිධාරී විදුහල්පතිවරයෙකු පැමිණීමත් සමග නැවත පාසල සංවර්ධනය කරා ගමන් කරයි.
​අද වන විට සුහුරු පන්ති කාමර 3ක් හා ප්‍රියජනක පන්ති කාමර හා භෞතික පරිසරයත්, ශිෂ්‍යත්ව ප්‍රතිඵලවලින් කලාපයෙන්ම ඉදිරියෙන් පසු වීමත් පාසලේ ඉදිරි ගමනට සුබ ලකුණකි.